家長心聲 Parents‘ Voices

---

  呢個訓練成效好大，之前試過好多方法、講座、facebook 育兒 page 短片都睇過好多但都冇效，真係要有導師實際見到教到先得。

 小朋友可以跟從言語指令，學識做完一啲野先有獎勵，慢慢連獎勵都唔需要。 

呢個訓練超出我嘅期望，仔仔有進步，好聽話，好穩定好乖，同埋導師非常親民，對家長和BB都友善。

   訓練時可以同導師傾訴，討論點可以做得更好，平時見到啲育兒文章只知道個方法，但係呢到可以有實戰經驗。

     呢個計劃幫助家長對教小朋友嘅概念同方法更清晰，家長可以自己係屋企同小朋友練習，讓他一步步學識。

我學識咗要堅持到底，仲叫埋家中長輩一齊合作， 讓小朋友有動力做得更好。

訓練讓家長有橋樑與小朋友建立關係,

學習怎樣跟小朋友相處，專業的訓練和講解令我在這階段得到現代的教育方向，同時也了解自己更多。

訓練可以幫助父母管教一致，家長會直接影響小朋友，從源頭（父母）開始訓練好重要。

  訓練幫我解決管教上嘅最大問題，亦減輕咗我作為家長嘅壓力；我理解到囡囡原來有好多嘢都做到，我學識要堅持等佢自己做到為止。

  訓練帶俾我方法教小朋友，我學識要堅持，無以前咁就佢，同埋明白到用獎勵可以教到小朋友好多嘢，以致學識新技能。

訓練幫助改善親子關係，自己情緒好咗冇咁憫，自己平穩啲，反而小朋友都易冷靜啲。

最大嘅得著係學咗方法照顧仔仔，之前覺得好激氣同無助，上咗堂好啲，有大進步，無以前咁頭痛。

呢個計劃係親子關係上有好大幫助，我學咗教小朋友嘅方法之後，佢有心機學又明白，我覺得好開心，讚佢時小朋友亦都開心。我宜家識教佢多咗，小朋友係學習、理解同言語表達方面都有進步！

訓練對小朋友係溝通同表達方面有好大幫助，我宜家明白佢多啲，可以滿足到佢嘅需要。係上堂時，我可以見到小朋友學到，同埋有能力做到嘅嘢，我亦學識點樣同佢一齊學習，唔會好似以前咁心急，對改善親子關係都有幫助。

呢個1對1嘅親子訓練好貼心，真係幫到我同仔仔嘅切身情況。課堂上嘅實踐讓我知道點同小朋友溝通，係生活中可以即時唸到方法應對，而我對仔仔嘅包容亦都多咗。同埋ABA會搵出小朋友行為嘅原因，從根源去解決問題，既治標又治本！

個訓練超乎我嘅期望，我學識點樣容易啲教仔仔，令佢更加有信心又學到嘢；我亦會嘗試了解佢行為嘅原因。訓練俾機會我同仔仔一齊上堂，係我地兩個嘅時間，番到屋企又可以用番同一個模式去教佢、同佢一齊玩，我見到仔仔流露更多真性情同埋開心咗，對增進親子關係好有幫助。

訓練帶俾我新嘅方法去幫助小朋友，導師會按照佢嘅能力去設定目標，又提醒我多啲用讚賞同獎勵，幫佢達到成功，小朋友亦開心自己做到。親子訓練讓導師同家長一齊睇到小朋友嘅表現。大家可以傾到問題，再商量點去做，仲有人聽我講同理解我，對於我抒發管教上嘅情緒都有幫助。

係訓練中，有導師同我一齊解決問題，見到小朋友有進步，個人都輕鬆啲。訓練仲幫我釐清教小朋友嘅條理，點樣將大目標拆細，循序漸進咁去教佢。同埋我學到用獎勵去鞏固理想化行為嘅方法，小朋友學習過程順利啲，成功時又開心，     大家都無咁辛苦！